Partido da penúltima xornada de liga xogado no recinto municipal dumbriés, no que dun tempo a esta parte está a xogar o equipo ceense como local. Partido que se xogaba ás tres e media da tarde contra o penúltimo clasificado. Partido que en principio parecía fácil, pero como xa se demostrou en xornadas anteriores, ó Cee non lle regalan nada e tivo que loitar ata o final do partido para conseguir os tres puntos e esperar a que se produxeran outros resultados que beneficiaran ó conxunto branquiazul. E así ocorreu, o Santa Comba cedeu o liderato a prol do Cee trala súa derrota contra o Outes e o Muros empatou, o que fai que o equipo de Xose Carlos teña que gañar en Muros a derradeira xornada para se asegurar o título de liga.

En canto ó partido en si, destacar esta vez a Xose Ramón que destapou a súa faceta goleadora rematando dous balóns francos ó fondo das mallas e deixando mostras da súa calidade. Tamén volveu a brillar Andrés reencontrandose co gol, cousa que lle facía moita falta para coller confianza. Sen dúbida estos xogadores e máis todos os que forman a plantilla serán de vital importancia o fin de semana que ben para poder conseguir o triunfo que nos daría o título ligueiro. Emprázovos a todos en Muros para disfrutar dunpartido de fútbol, que sen dúbida, terá tódolos ingredientes dunha final.

• CEE: Sergio, José Ramón, Moncho, Mario, Lucas, Gabri (Chiru, min.60), Andy (Xabi, min.86), Paulino, Rafa (Diego Castro, min.80), Rubén (Fernandito, min.55) e Diego Cespón. 
• ESTEIRANA: Veni, Dani Barreiro (Javi, min.65), Adonai, Juan, Roi, Txus, Adrián (Iago, min.75), Bruno (Agustín, min.65), Adrián II, Guerra e Jonathan (Ángel, min.80) 
• Goles: 1-0, min.15: Andy; 2-0, min.30: José Ramón; 2-1, min.45: Adrián; 2-2, min.63: Adrián, de penalti; 3-2, min.74: José Ramón.

.