Bo encontro o disputado polo U.C.Cee que contaba coas baixas de Dani e Penedo,  por motivos persoais, Fermín, Miguel Riveiro e Rubén Fiuza por sanción, ademais de Alvaro e Fernandito, que se perdían o encontro por decisión técnica. Recuperaban os ceenses con respecto o anterior encontro a Yanky e Chapu , os cales , saían no once titular. Tamén contaba José Manuel para este encontro cos xuvenís Rafa e Mario, este último xogaba os 90 minutos e deixaba moi boas sensacións.

Tarde xélida e un terreo de xogo de terra ,que soportou bastante ben as as baixas temperaturas e a pouca choiva que caía antonte no campo do Doce, era o que o Cee se atopaba na sua décima saida da temepada.

Os ceenses con moitas baixas e seriamente tocados na sua moral logo da ecatombe de Pontedeume, sabían da importancia de non errar ante o pechancelas da competición.  Igualmente o Esclavitude que aínda non sumou punto algún estaba doido no seu orgullo despois de que o Calo urgase na ferida dos homes de Manuel Rey cun contundente 0-7.

Así os dous equipos saltaban o xelido terreo de xogo de Do Doce con moitas gañas, nos primeiros minutos o Cee demostraba estar mellor que os da S.D. que eran desbordados con balóns as espaldas da defensa. Leo e Yanky tiveron as opcións máis claras de adiantar os ceenses nos primeiros minutos, pero non andiveron acertados, diante de Luís.

Pouco a pouco e co Cee chegando con perigo pero sin definir as ocasións que creaba, o encontro foise igualando en medio campo, onde os padroneses aportaban moito físico. Tiveron os locais tamén a sua gran oportunidade antes do descanso cando nun balón colgado na área ceense rematabao só Javi, pero Mingos ben colocado atallaba o esférico.(Ver video de esta xogada)

Así chegábamos o descanso, e trala reanudación o Cee pasou a dominar xa por completo o encontro, dirixidos por un expléndido Chapu e desplegando un xogo moi dinámico e rápido os de José Manuel entraban por ambas bandas creando varias accións de gol, pero Yanky e Leo que xogaron un bo encontro non tiñan a sua tarde de cara a portería. Carlos e Chapu tamén tiveron as suas pero a numantina defensa do Esclavitude impedía que os da Vila da Xunqueira inagurasen o marcador.

Como na primeira metade, os locais tiveron a sua ocasión cando J.Antonio aproveitábase dunha falta non pitada polo colexiado sobre Jacobo para quedar só ante Mingos que cunha gran intervención desviaba o remate do atacante da S.D.

Cando parecía que sería imposible perforar a porta de J. Luís e a falta de 12 minutos para o final aparecía Berto que cabeceaba perfectamente un balón peinado por Yanky e que se colaba cerca da  escuadra dereita.

Era un gol merecido, que si ben se antoxaba pouco para o visto sobre o terreo de xogo era suficiente para que os de José Manuel respirasen tranquilos e manexasen o resto do encontro, o seu antoxo. Nos intres finais unha boa xogada de Rivi con remate de Leo, remataba en gol logo de que Javi empurrase o esférico na sua propia porta.

.