Nicolas Velay confirma a sua fichaxe polo Dumbría de Floreal. Unha fichaxe que parece será a primeira do galáctico proxecto de José Manuel Pequeño e José López Canosa.

.

Hoxe confirmábase a fichaxe de Nico polo Dumbría, o que fora ata onte xogador do U.C.Cee dende hai catro tempadas e un dos máis destacados compoñentes da formación ceense anunciaba a sua marcha.

Puidemos hoxe falar con Nico e estas eran as suas impresións. "Marcho dun gran club a outro gran club, só teño palabras de agradecemento para o Cee, onde tiven o privilexio de xogar e gañar varios títulos". " As condicións que me ofrece o Dumbría son inmellorables e o proxecto que me presentaron e moi ilusionante e atraeme moito". 

"Aínda que xa son xogador do Dumbría, deséxolle todo o mellor o Cee que foi a miña casa durante catro anos".

Así pois o Cee confirma a sua primeira baixa de cara a vindeira tempada, unha baixa importante, ante a que pouco puido facer a directiva ceense, pois recoñeceron a esta web que "era difícil que rexeitara as condicións ofrecidas polo equipo Dumbriés, só nos queda desexarlle o mellor e seguir traballando na confección da plantilla, para a vindeira tempada"

.